浅谈PA Works 工作女孩系列第四部：白沙的Aquatope

首先同大家介绍吓咩叫工作女孩系列（働く女の子シリーズ）。工作女孩系列系日本动画制作公司PA Works引以自豪的系列，之前有三部著名的作品，分别系：2011年的《花开物语（花咲くいろは）》 、2014年的《白箱（シロバコ）》同2017年的《樱花任务（サクラクエスト）》 ，而第四部作品就系今次要介绍慨《白沙的Aquatope（白い砂のアクアトープ）》 。虽然每次也只是说一群女孩子在努力工作当社畜的日常生活，但因为作品慨优美程度同接近完全无误慨画风，所以每一次推出工作女孩系列，都会令唔少人人十分期待。

但系，容许我花少少时间，讲吓点解上一套作品《樱花任务》为什么会成为了滑铁卢之作，不过当然都系纯粹我个人观点啦。首先，如果要以区域振兴经济主题黎讲，其实《樱花任务》能够带出呢个主题其实真系微不足道，相比起近年的《烧窑的话也要马克杯（やくならマグカップも）》绝对系失败。 《烧窑的话也要马克杯》虽然主要系讲述日本传统工艺美浓烧，但因为获得岐阜县多治见市慨支持，去推广传统慨时候亦都不忘介绍该地方慨历史和景点等等，令到更多人去主动了解嗰个地方；相比起《樱花任务》，虽然成个故事系系一个架空慨城市发生－间野山市（但其实大家都知道就是PA Works总部的门口：富山县南砺市），但可惜慨系，即使系讲自己门口慨故事，但都因为剧情实在太闷，严重影响观赏感觉。虽然作画绝对系一流，但可惜整个故事推进实在太慢，甚至乎唔系咁容易可以睇得到每一集慨重点，所以其实好多人睇到一半都已经放弃。果嗰时候《樱花任务》作为我第一次接触慨工作女孩系列，老实讲一路睇落去，其实我真系觉得好痛苦。当然，作画绝对系令我靓到哑口无言，相比起同期其他作品，例如： 《不起眼女主角育成法♭（冴えない彼女の育てかた）》 、 《月色真美（月がきれい）》 、 《NEW GAME！ ！ 》等等，绝对系望尘莫及，但《樱花任务》剧情对于整个工作女孩系列仿佛蒙上了阴影。所以即使到咗今日，《樱花任务》仍然被视作工作女孩最失败慨作品，对我来讲甚至乎系少数唔会主动拎返出嚟重温慨作品。即使我之后有补回《花开物语》同《白箱》，但因为《樱花任务》在太＂杰出＂，所以我真系唔觉得好似其他人咁讲系神作。

去到2020年10月，虽然有麻枝准先生慨《成神之日（神様になった日）》 ，令到PA Works霎时间声名大噪，而且继续保持一贯慨优质画风，每一集作画近乎可以媲美甚至超越CloverWorks，但再一次可惜慨系，麻枝准老师今次创作慨作品与渠慨成名大作《Angel Beats！ 》相差太远，应该说是雷声大雨点少，赢口碑输收视，未能够再下一城，不能相隔10年后再一次成为神作。我咁样讲唔系因为我唔钟意麻枝准先生，亦都唔系唔钟意渠慨作品，只系因为谂唔到相隔10年，未能够再创高峰而感到可惜。虽然亦都有唔少人开播前讲，今次两者再度合作绝对可以成功，但可惜慨系仿佛再一次将PA Works打进低谷，好老实，现今BD销量已经决定咗一切，即使有精美慨画风，但系内容失败其实都系无用。不过容许我咁样讲，如果依家要创作一套类似《Angel Beats！ 》题材慨作品，我相信都未必会有当年咁大反应，毕竟依家市场上比较需要速食同萌系慨作品。

如果你睇到呢度都仲未咁上一页离开慨，真系衷心感谢你，因为我谂都未有一半。亦都希望你可以喺下面拍咗5下手先，作为继续支持我给原动力，ありがとう！

好啦咁讲返去今次呢部作品先，就系《白沙的Aquatope》，首先我想讲咗我自己睇完24集之后有咩感觉先，就系：那一个我们熟悉的工作女孩系列回来了。以下内容亦都会大有大量慨个人见解，顺手当埋评论啦Www亦都当然啦，介绍旧番，一定会牵涉大量剧透，请酌情观赏。

首先讲吓点解我会觉得《白沙的Aquatope》系近年来一套非常特别题材慨作品先。其实主要系因为用冲绳做题材慨作品已经唔系好多，加上会选用水族馆黎到做动画慨作品少之又少，所以其实系开播之前已经吸引到我慨目光注意。其实近年黎以冲绳慨作品其实真系唔多，我有睇过慨其实就真系只有巜遥的接球》同《白沙的Aquatope》，当然仲有客串两集慨巜恋爱中的小行星》，但其实真系唔多。对于我自己来讲，相比起东京或者大阪啲大城市，我其实出去旅行都几钟意去啲乡下慨地方，幸好慨系喺疫情之前我最后一次能够去旅行慨地方就系冲绳，冲绳呢个地方中慨比我印象其实真系好微妙，虽然我知道渠系日本境内，但仿佛回到旧时慨日本，唔系只城市构造或者街道风情呢啲，而系有一种好特别慨人情味。今次慨作品主要系南城市，而我亦都有幸曾经路过同食饭，可能系因为一个好细慨地方，感觉人同人之间慨联系其实真系好丰富，邻里关系十分融洽，我同行朋友喺度玩猫慨时候，我走咗去买嘢食，跟住同个店长倾咗一阵计，之后佢好人到邀请我哋去渠屋企食午餐，虽然可能只系一啲好少慨事，但系嗰种人情味我喺其他地方搵唔到。正如《白沙的Aquatope》第一、二集，风花离开东京去到冲绳慨时候，虽然都系无家可归，但幸好空空琉收留咗渠。我唔系话放人之心不可无，但制作组连啲咁细微、差唔多已经喺现代社会消失慨＂感觉＂可以重现，实在感动。

另一方面，其实用水族馆做题材慨作品其实真系唔多，甚至乎可以话系无（最少我未睇过OK？）。其实好多动画制作公司，都会尽量避免牵涉水族馆呢一类咁复杂慨题材，因为牵涉到太多唔同慨作画，例如每一条鱼、每一个水族箱、每一个展区同每一个游客等等。即使类似CloverWorks同京都动画呢一种拥有大量资金慨制作公司都好，都唔会希望创作呢一种系列构成过度复杂慨动画，一来难以一直保持每一集画风相同；二来就系需要大量时间在每一集播放之前进行大量调色，以避免有太大的唔差出现；三来就系呢一种原创动画，如果太失败（当然系指BD销量），绝对有可能一阵不起，所以基本上不太会有可能有公司愿意做这么大的投资。但幸好，今次我哋有幸可以见到呢一套作品慨出现。至于24集之后，整体表现如何？正如我一开头咁讲，就算你对动漫无兴趣都好，渠慨画风亦都绝对能够令你眼前一亮。

之后就讲吓两位女主角：海咲野空空琉（海咲野くくる，下称：くくる）同宫泽风花（宫沢风花，下称：风花）。介绍咗くくる先，一个冲绳县民，因为自细就喺家族经营慨水族馆长大，所以好钟意海洋生物。但可惜自细父母伤亡，所以只可以从祖父母身边长大，原本也有一个家姐，但可惜也胎死腹中。不过即使面对咁慨坎坷成长，仍然可以勇往直前，甚至乎可以喺一间差唔多结业慨水族馆入边担任左两个月慨馆长，真系一个几得意慨人。我唔系话唔应该唔读书而走去发展梦想，而系好似くくる咁样喺嗰个年纪就知道自己想向咩目标发展慨人其实真系唔多，即使好似之前上面讲慨《樱花任务》，女主角都要去到后面先至觉醒自己慨目标，就算系现实世界定系动画世界都好，真系好少见可以咁早就知道自己想向着边个方向发展目标慨人。虽然最后都系要结业同埋转去另外一间水族馆工作，但系喺整个故事后面我哋可以见到即使工作系渠几唔愿意、几困难都好，甚至乎系完全接触唔到渠最钟意慨海洋生物都好，渠都咬紧牙关做落去，虽然最后有机会可以选择同海洋生物一齐工作，但都仍然选择留喺营运部，容许我引用以前曾经听过慨一个电台节目主持慨一句说话：你返紧嗰份工，有一百样嘢要做，但你钟意做慨可能只系得两、三份，咁唔通真系唔使做咩。我谂对于くくる来讲，我哋可以睇到渠最后慨心态其实完全唔同晒，虽然都系有错漏百出，但已经从讨厌变成享受，完完全全变成了一个社畜（X 完完全全明白水族馆唔单止净系要照顾海洋生物，后面仲要有一大班人去支持成个水族馆慨运作，渠就系想成为其中一人。呢种心景变返我谂有好多人都无，甚至乎好多人都选择放弃，但妖真系可以能够留喺个你钟意慨地方工作，我相信就算份工几辛苦都好，我谂正常都会继续留低挨落去，总有会有出头慨一日。

讲完くくる之后就讲吓风花，本作咗第二名女主角，亦都算系くくる无血缘关系慨姐姐。前偶像，因为不想回家，偶然慨机会后见到冲绳某间水族馆慨广告，所以就决定飞去冲绳逃避现实。机缘巧合之下，去咗くくる营运的水族馆，之后便要求留下来工作，并入住くくる家中。之后系くくる营运慨水族馆结业之后，亦都返咗去盛冈老家完成高中课程，并且考获潜水执照。之后返咗去冲绳，陪同くくる喺新水族馆工作，最后更加飞到夏威夷研修。好啦咁就大约讲完渠24集慨活动，可以睇得出其实渠系一个希望成为可以俾くくる依靠慨人，喺开头嗰度可以见到渠已经下定决心要成为くくる慨姐姐，渠知道咗渠哋两个系无血缘关系，但仿佛渠系想成为一个避风港，俾くくる可以放心对住渠撒娇。之后从渠决定返去冲绳继续生活可以睇到渠完全无谂过放弃くくる，好好咁成为渠姐姐；虽然最后毅然决定选择去夏威夷研修，但系我哋开启出渠去同唔去之间第一样考虑慨就系くくる，可以睇得出系渠心入边究竟くくる有几重要。喺开播之前，有好多人喺度笑称，既然渠系东京出生慨前偶像毕业，会唔会好似某系列学园偶像咁样，唱歌跳舞组成乐队拯救水族馆？不过好好彩呢件事系绝对无发生啦，系呢个弱肉强食慨世界，其实渠就系好似一个缩影，依家成功慨一线声优有上面，究竟系踩住几多失败声优慨尸体上嚟，其实大家都知啦……

大约咁讲完人物介绍，不如就讲吓剧情。主要分咗两部份，1-12集：GAMAGAMA水族馆同13-24集：银河水族馆。首先讲咗头12集先，正如我上面咁讲，舞台设系冲绳县南城市一座家族经营慨水族馆。虽然我就未去过，但系睇咗好多人慨胜地巡礼，我觉得好似同现实一样咁。不过同现实唔同慨系，动画主要系讲述你跟水族馆最后慨时光，因为设备老化、资金不足、同埋为避免重新水族馆竞争而结业。虽然风香加入慨时候水族馆只系得返两个月时间，但系仍然各出奇招，希望可以保留落嚟。但可惜慨系，即使渠哋两个用尽一切方法，仍然难逃结业慨命运。不过喺呢12集入边，我哋可以睇得出渠两个其实已经唔再系以前咁样陷入迷惘。くくる因为唔想失去硕果仅存同父母曾经一齐留低脚印慨地方而用尽一切方法挽留；风花因为中途接到电影拍摄邀请而曾经考虑离开，渠呢两件事变其实我哋都会睇到渠哋真系好迷惘。虽然两个决定对渠哋人生其实都唔会有太大慨影响，但我哋可以睇得出最后渠哋都系凭着双方已走出困局之中。可以睇得出渠两个其实系靠住一间咁细而且好快就要执笠慨水族馆倚靠对方，从而面对各种难关；而经过咗台风天停水停电之后，くくる终于明白系时候放手。我唔系想话呢一段渠地两个违反咗几多法例，而系想讲即使知道得返有限慨期限都好，明知改变唔到结局，但都希望可以尽最后慨时间发光发亮，嗰种人物慨心境变化其实真系系近年动画来讲来讲真系好少见到，毕竟依家主要慨作品都系卖萌为主。我谂其实就算现实都好，好多人见到咁慨情况，都系宁愿求求期期渡过最后的日子，而唔会选择发光发亮咁辛苦渡过最后的日子。我唔系想话渠改变咗我，但最少我已经成功堕入左个故事入边，因为睇到渠结业嗰度我真系有少少眼湿湿，唔知点解有少少唔舍得慨感觉。

之后就去到13-24集：银河水族馆。一间截然不同慨水族馆，基本上最新慨设备全部齐全，绝对系天堂同地狱慨分别。不过我要讲慨就梗系唔系有咩分别啦，咁我当然继续系剧情间加大量剧透。其实喺第13集一开始，我哋见到くくる竟然唔系分配去海洋生物有关慨部门，而系被分配去咗负责营运慨部门，其实果下绝对系好大冲击，因为真系无谂过制作组竟然会咁爆炸，不过当然系当初系咁样谂啦，之后亦都有所改观，不过嗰一刻个感觉真系好喜出望外。不过亦都系因为渠当初系主要负责照顾生物慨一方，依家改为负责日常营运慨部门工作，正如好多职场新人一样，我哋可以见到系多次慨错漏百出，不停俾上司责骂。甚至乎去到第13集结尾慨时候，我哋可以睇到渠一度有谂过放弃，辞职离开。但好彩慨系风花及时回到冲绳，系最需要慨时候再一次成为咗くくる慨姐姐，再一次用姐姐慨身份支持渠。之后虽然都系双方各自喺各自慨领域工作慨故事，然后就系日常生活，但系可能制作组知道咁样落去太闷，所以喺第17集，专登脱离日常工作环境，制作咗一集讲述几个相熟员工放假发生慨事。相比起崩紧慨办公室生活，绝对系天渊之别。系呢12集入边，剧情主要放咗系くくる身上，例如临时展览同埋婚礼策划，我哋都可以见到即使くくる错漏百出都好，仍然尽力务求完美，虽然每一次活动都仲系有少少遗憾咁样完结，但系最后渠自己可以得到渠上司慨赞赏，绝对系赞同咗渠慨努力。不过最后其实估唔到风花会选择去夏威夷研修，毕竟渠一直都话要成为くくる姐姐，唔会再次离开渠身边。唔可以话风花无成长，而系渠系为咗成长而去夏威夷研修。正如好多动画一样，最后当然系大团圆结局，但系可以睇得出即使くくる身边再一次出去了风花，但系仍然会继续努力留系营运部工作而非选择回到照顾海洋生物， 可以睇得出一直以来支持くくる慨唔系其他人，而系风花。因为虽然唔能够再好似以前咁样亲身照顾可以海洋生物，但却系用另外一种方法黎都守护它们。呢一种谂法慨改变，我相信就系风花带比くくる慨。

其实讲到呢度，我都唔知我系介绍紧剧情定系评论紧当中慨剧情，不过我当沟埋一齐做濑了牛丸啦，咁我之后可以讲少啲。好啦，咁就大约讲完剧情同我个人慨大约见解啦，跟住就讲吓其实成套动画对我慨感觉。首先渠都继承咗《左樱花任务》好严重慨问题，就系中间剧情太慢，甚至乎可以话系拖，有啲影响观感。虽然系原创作品，我哋无办法知道知道之后剧情系点，但真系咁样拖法，都好多原本有心想睇慨人睇到第四集之后已经开始放弃，真正慨三集定理，留下来的大部份都系工作女孩系列真粉。其实一开头大家都已经睇得出GAMAGAMA水族馆结业其实都只系一个时间问题，相比起之后银河水族馆慨剧情，其实可以感觉到制作组反而比较花更多慨精力喺前面慨剧情。虽然无论前面12集定后面嗰12集剧情都系偏向慢热程度，但系相比起依家好多都系速食慨动画其实已经好好多。我唔系话咁样好唔好，而系我觉得应该要两面咁睇，好过方面固然就系可以比大家有更多时间了解当中慨人物设定同埋画风慨细腻程度，但正如我一直都系咁讲，唔好慨地方就系，其实如果你睇返转头，你会发现当中慨主线故事其实好似唔系好多，甚至乎你都可以数得出，所以其实咁样系唔系一件好事，我谂真系睇你本身对呢个作品有无爱。不过可能制作组知道我哋实在太闷，所以喺第17集专登整咗一集唔同慨内容俾我哋，就系讲述一班员工系放假一齐开party慨集数。正如我一直都咁样讲，原创动画好睇慨地方就系因为你永远唔会知道之后慨发展系点，所以其实真系好两极，钟意慨人会好钟意，唔钟意慨人可能会等完晒之后一次过追番，或者真系唔会再接触呢一类作品。至于你问我钟唔钟意，我既然都介绍得比你，咁我梗系钟意呢一套动画啦。

不过又咁讲，虽然开头12集总系有少少遗憾咁样完结，但系去到后面嗰12集，其实好多人都系有少少反感，唔系因为渠慨画风，系因为渠慨人设：くくる慨上司。系，无错，虽然渠慨上司绝对系依家各行各业中上司慨＂典范＂－正宗慨〇街（我呢度呢就合家欢娱乐台嚟㗎，咁有啲字太粗俗就自己飞咗佢啦），但其实真系好多人都冇谂过竟然要喺动画都要见到个咁慨上司。虽然渠系成功推动くくる成长，由一个细路变成一个大人，但系既然睇得动画，我个人就梗系希望可以放空个脑唔使谂，比自己可以暂时逃出日常生活，好好咁放松一下，但系睇嗰阵又仿佛好似见到现实生活会面对慨问题，所以其实系好矛盾。不过呢，我谂我地每一个人后面都总系会经历过类似呢一类慨成长，所以其实谂返转头，就算我几讨厌呢个角色都好，但系或多或少都会勾起返当年我成长慨回忆。不过我要讲返先，我由始至终都系好唔钟意呢个角色。

最后亦都容许我咁样讲啦，PA Works有今时今日仍然可以喺呢个竞争咁大慨市场入边仍然屹立不倒，绝对得来不易，但系仿佛呢几年就好似失去咗目标咁样。咁不如真系修心养性，好好制作工作女孩系列，可能会容易吸引返一班人留意，总好过依家三不像慨情况。而我自己亦都相信啦，工作女孩系列应该会继续发展落去，毕竟呢个先至系渠慨招牌。

如果大家真系有兴趣慨，不妨睇吓呢篇文章，可以透过Google Maps睇返其实大部份慨地方同作品都系一模一样，另外就附上呢个几可乱真慨水族馆网站。最后最后啦，其实去到中间我都已经唔知自己写紧乜，因为中间实在太忙，所以我系由2021年12月30号，写到2022年1月13号先完成晒，所以原谅我啦，我谂都太多1999，不过我真系唔想再执过。 anyways，再次多谢大家睇到呢度，希望如果你真系有时间慨不妨了解一下或者花少时间去睇吓呢一套作品，最后一句：再一次衷心多谢你睇晒成篇文章，希望大家可以慷慨解囊系下面拍五吓手，作为继续支持我创作慨原动力，にふぇーでーびる